អូនចង់ស្តាប់ពាក្យអ្វីក្នុងពេលរួមមេត្រី

គេនិយាយថា “ស្ត្រីស្រឡាញ់តាមរយៈ ត្រចៀក” គឺពិតជាត្រឹមត្រូវ... ពីព្រោះពេល “រួមស្នេហ៍” នាងក៏ចង់ស្តាប់សម្តីផ្អែមល្ហែម ចេញពីបបូរ មាត់ដៃគូស្នេហ៍របស់នាងដែរ ។
នេះពុំមែនជារឿងថ្មីថ្មោងនោះទេ ប៉ុន្តែយើងចង់ រំឭកប្រាប់បុរសៗថា ប្រការនេះពិតជាសំខាន់ណាស់ ។
លក្ខណៈមុនដំបូង គឺអ្នកត្រូវតែពិចារណាឱ្យច្បាស់នូវអ្វីដែលអ្នកចង់ និយាយ ។ ពេល “រួមមេត្រី” ស្ត្រីមានអារម្មណ៍ទទួលយកនូវអ្វីៗគ្រប់ យ៉ាង ហើយនាងនឹងយកចិត្តទុកដាក់ស្តាប់នូវសម្តីមួយពាក្យៗ ដែលអ្នក បានបន្លឺឡើង រួមទាំងកាយវិការ និង សំឡេងផ្សេងៗរបស់អ្នកទៀតផង ។
ខាងក្រោមនេះ គឺជាការណែនាំនូវវិធីដែលអាចឱ្យអ្នកធ្វើឱ្យនាងទន់ ភ្លន់ទាំងកាយ និង ចិត្តពេលនៅលើគ្រែ ។

* បងចង់ឱ្យអូនទទួលអារម្មណ៍ថាអស្ចារ្យ
ជាមួយនឹងសម្តីនេះ អ្នកបានបង្កប់អត្ថន័យ ថា អ្នកមើលឃើញអារម្មណ៍របស់នាងធំជាងរបស់ ខ្លួនរួចទៅហើយ ។ ប៉ុន្តែចូរកុំសួរនាងថា “អូនមាន អារម្មណ៍ថាអស្ចារ្យទេ ?” ច្រើនដងក្នុងពេលរួម ដំណេកនោះឱ្យសោះ ព្រោះទោះមិនបានអស្ចារ្យ ក៏នាងនឹងមិននិយាយការពិតដែរ ។ សំណួរបែបនេះ នឹងធ្វើឱ្យនាងកើតស្ត្រេសមិនខាន ព្រោះតែត្រូវកុហក នឹងអារម្មណ៍ខ្លួនឯង ។

* អូនមានក្លិនក្រអូបណាស់ !
ពេលឮសម្តីនេះ នាងនឹងមានអារម្មណ៍ថា អ្នកកំពុងត្រូវស្នេហ៍របស់នាងទាំងស្រុងហើយ ។ ថែមពីនេះទៀត ក្លិនក្រអូបមានតួនាទីសំខាន់ក្នុង ការរក្សានូវទំនាក់ទំនងរវាងអ្នកទាំងពីរ ។ ដូច្នេះ ពេលម្នាក់ក្នុងចំណោមអ្នកទាំងពីរមានក្លិនមិនល្អនោះ ទំនាក់ទំនងនឹងមិនបានស្និទ្ធស្នាលនោះដែរ ។

* ពេលនេះអូនកំពុងគិតអ្វីហ្នឹង ?
នេះជាសំណួរដែលគួរប្រើនៅមុនពេលចូល “ប្រយុទ្ធ” ។ តាមពិត បុរសៗពុំសូវចូលចិត្តសួរ បែបនេះទេ តែចំពោះស្ត្រីវិញគឺផ្សេង ។ ពួកនាង តែងមានអារម្មណ៍ខ្មាសអៀនពេលនិយាយអំពីអា-រម្មណ៍របស់ខ្លួន លើកលែងតែមានការលើកទឹកចិត្ត និង ណែនាំដោយព្យាយាម ។ ចូរសាកល្បងសួរ នាងម្តងមើល ដើម្បីបានស្តាប់នូវចម្លើយដ៏ផ្អែមល្ហែម នេះ ។ អ្នកត្រូវចាំថា គួរតែលើកទឹកចិត្ត និង បណ្តោយ ទៅតាមការស្រមៃរបស់នាង ដើម្បីឱ្យនាងកាន់តែ មានភាពសប្បាយរីករាយ ។

* បងពិតជាចូលចិត្តធ្វើអ្វីដែលអូននិយាយ ពេលយើងកំពុងនៅលើគ្រែ
ប្រហែលជានោះ គឺជាសំឡេងខ្យល់ដកដង្ហើម ខ្លាំងៗជាបន្តបន្ទាប់ ឬ សំឡេងថ្ងួចថ្ងូរម្តងខ្លាំងម្តង ខ្សោយ ។ នៅពេល “រួមមេត្រី” នាងប្រាកដជា ពិបាកក្នុងការនៅស្ងាត់ស្ងៀមដោយមិនបញ្ចោញ សំឡេងអ្វីសោះនោះ ។ ចូរផ្តោតស្តាប់នូវសំឡេង ដែលនាងបានបន្លឺឡើង រួចធ្វើការសរសើរចំពោះ ប្រការនេះ នោះរង្វាន់ដែលអ្នកនឹងទទួលបាននៅ លើកក្រោយៗ គឺជាសំឡេងដ៏គ្រលួចដែលនាង បញ្ចោញសម្រាប់អ្នកពិតប្រាកដមិនខាន ។

* បងវង្វេងអស់ហើយ ពេលអូនធ្វើបែបនេះ
ចូរនិយាយឱ្យបានច្បាស់នូវប្រការដែលនាង បានធ្វើឱ្យអ្នកវង្វេងវង្វាន់ដោយសារតែការស្រើប ស្រាលនោះ ។ បែបនេះនាងនឹងមានអារម្មណ៍ជឿ ជាក់ និង ក្លាហានជាងពេលត្រូវបានលើកទឹកចិត្ត ។ ក្រៅពីនេះ តើមានអ្វីប្រសើរជាងទៀតពេលដែល នាងដឹងថាខ្លួននាងអាចនាំអ្នកទៅកាន់ឋានសុខដ៏ កំពូលបានក្នុងពេល “រួមដំណេក” ។

* អូនមានស្បែកសរលោងស្រមោចវារជ្រុះ
ស្ត្រីតែងតែត្រូវចំណាយពេលវេលា និង ប្រាក់ ជាច្រើន ដើម្បីធ្វើឱ្យខ្លួនមានភាពស្រស់ស្អាតក្នុង កែវនេត្រានៃពួកបុរសៗ ។ នារីមួយចំនួនមានអារម្មណ៍មិនស្រួលចិត្តប៉ុន្មានទេ ពេលត្រូវបង្ហាញកាយ ទាំងស្រុងនៅចំពោះមុខដៃគូរបស់នាង ព្រោះតែ នាងខ្លាចក្រែងស្លាកស្នាមមិនល្អនៅលើរាងកាយ អាចធ្វើឱ្យគូស្នេហ៍នាងអស់អារម្មណ៍ល្អ ជាពិសេស គឺសភាពស្បែកតែម្តង ។ ដូច្នេះ តើអ្នកនៅស្ងៀម អ្វីទៀត ម៉េចក៏មិនចាប់ផ្តើមសរសើរនាងភ្លាមទៅ ពេលដែលនាងបានបង្ហាញរាងកាយចំពោះមុខអ្នក ដោយក្លាហានបែបនេះ ។
ភាពសប្បាយ និង មោទកភាព ជាថាមពល ជំរុញឱ្យនាងសងអ្នកវិញដោយសកម្មភាពល្អអស់ ពីចិត្តពីថ្លើមដែលធ្លាប់មាន ។
ជាការពិតណាស់ ឃ្លាឃ្លោងខាងលើបាន បង្ហាញត្រូវតាមស្ថានភាពអារម្មណ៍ និង ការគិត របស់អ្នក ព្រោះនៅពេល “រួមភេទ” អ្នកក៏ត្រូវនាង បង្វក់ ១០០ ភាគរយដែរ ។ ប្រការដែលត្រូវធ្វើនោះ គឺអ្នកគួរតែនិយាយឱ្យនាងបានដឹងច្បាស់នូវរាល់អ្វី ដែលអ្នកចង់បាន ៕